Шударга өрсөлдөөн хэрэглэгчийн төлөө газраас сурагчийн дүрэмт хувцастай холбоотой иргэдээс ирсэн гомдлын талаар сэтгүүлчдэд мэдээлэл хийлээ. Энэ жилээс сурагчийн дүрэмт хувцасны үнэ хоёр дахин өссөн нь эцэг эхчүүд болоод багш нарын зүгээс ч  гомдол гаргах болжээ. Тус газар эцэг эхчүүд болон багш нараас ирсэн гомдлын мөрөөр БШУЯ болон ҮХААЯ-ынхантай уулзсан байна. Улмаар сурагчийн дүрэмт хувцсыг долоон компаниар хийлгэх гэрээг нь Өрсөлдөөний тухай хууль зөрчсөнийг тогтоожээ.  Өөрөөр хэлбэл, эдгээр долоон компани нь тендергүйгээр дүрэмт хувцас нийлүүлэхээр болсон байжээ. Гэтэл  тухайн компаниуд нь эрхийн дагуу үнээ нэмсэн байна Тиймээс дээрх гэрээгээ өөрчлөх, эргэн харах, Өрсөлдөөний тухай хуулийн дагуу сурагчийн дүрэмт хувцас нийлүүлэхэд анхаарах хэрэгтэйг холбогдох хүмүүст сануулсан байна. Тодруулбал,  сурагчийн дүрэмт хувцасны үнэ нэмэгдэж байгааг болиул гэсэн шаардлагыг холбогдох газарт буюу БШУЯ-ны Бодлого зохицуулалтын газрын дарга н.Золжаргалд  явуулсан аж.   Мөн тэрбээр сурагчийн дүрэмт хувцас чанарын хувьд өмнөхөөсөө ялгарах юмгүй байтал үнэ нь яагаад дахин өссөнийг шалгах болно гэдгээ ч хэлсэн юм.