Урин дулааны цагт амралт зугаалгаар явж буй хүмүүсийн дийлэнх нь устай газрын барааддаг. Тиймээс тэдгээр хүмүүст өгөх зөвлөгөө байна.

Усанд унасан хүний чирэх маягаар татаж гаргаарай

Хүмүүс гүнзгий усанд орвол живэх аюултай гэж боддог. Тэгвэл 7-8 см гүехэн голд ч хүн осолдож байсан тохиолдол байдаг аж. Ийм хэмжээний урсгал усанд ороод хэвтвэл амьсгалын эрхтэнийг ус таглаж, амиа алдахад хүрдэг байна. Иймд усны осол богинохон хугацаанд болдог учир живж байгаа хүнд дараах тусламжийг хүргэхийг мэргэжилтнүүд зөвлөж байна.
Ингэхдээ аль болох тайван байхыг хичээ. Эхлээд усанд унасан хүнээ уснаас гарга. Ингэхдээ чирэх маягаар татаж гарган амьсгал хоол боловсруулах эрхтний замаар орсон ус болон гадны биетийг түргэн гаргах шаардлагатай. Ам хамарт орсон элс замаг, шороог авч цэвэрлэнэ.  Дараа нь норсон хувцсыг нь тайлж, амьсгалахад чөлөөтэй болгоно. Усанд унасан хүний нүүрийг уруу тийш харуулж аюулхай дор нь ивээс хийж цээжин талыг нь хажуу тийш нь харуулсан байвал зохино. Усыг хэд хэдэн аргаар гаргана.

Усыг бүрэн гаргасны дараа зохиомол амьсгал хийнэ

Хэрэв та ганц хүнд тусламж үзүүлэх гэж байгаа бол өөрөө өндөр юман дээр сууж өвдөгөө ачаад осолдогчийн аюулхай орчим эвээс хийх, эсвэл дээд хөлийн өвдгийг тааруулж толгойг доош унжуулан гарын алгаар доороос нь дээш, нуруунаас нь толгой руу илнэ. Усанд унасан хүнийг дээш нь харуулж хэвтүүлээд амьсгал хоол боловсруулах эрхтэнээр орсон гадны биетүүдийг гаргаж авч болохгүй. Усыг бүрэн гаргасны  дараа зохиомол амьсгал хийнэ. Өөрийн амьсгал ортол 2-3 цагийн турш хийх шаардлагатай.

Зүрхний ажиллагаа нь зогссон бол яах вэ?

Тусламж үзүүлж байхдаа та дараах зүйлсийг анхаарах нь чухал. Усанд живсэн царай хөхөрч цайж улайж байна уу, амьсгал цөөн саадгүй болж байна, бөөлжиж байна уу үгүй юу гэдгийг ажиглана.  Зүрхний ажиллагаа зогссон байвал зүрхэнд массаж хийнэ. Усанд живсэн хүнийг тээвэрлэхдээ зохиомол амьсгал зүрхэнд массаж хийсээр авч явна. Ойр зуур тээвэрлэх хэрэг  гарвал түрүүлэг харуулан аюулхай дор өндөр ивээс хийж толгойг хажуу тийш болгож дамнуургаар авч явна. Ингэхдээ зөөж яваа хүний аль нэг мөр, живсэн хүний аюулхай дор таарч толгой унжиж, биеийн жингээр дарсанаас амьсгал, хоол боловсруулах замаар орсон гадны биет, ус энэ хугацаанд гарсаар байх болно.