Ерөнхийлөгчийн зарлигаар зургаан хүүхэд төрүүлж өсгөсөн эхийг "Эхийн алдар" нэгдүгээр зэргийн одонгоор, дөрвөн хүүхэд төрүүлж өсгөсөн эхийг "Эхийн алдар" хоёрдугаар зэргийн одонгоор шагнан, мөнгөн тусламж олгодог болсон билээ. Тодруулбал, зургаан хүүхэдтэй эх алдарт эхийн нэгдүгээр одон авч, жилд 200 мянга, дөрвөн хүүхэдтэй нь 100 мянган төгрөг авах болсон. Улмаар эхчүүд  одонгоо хэзээ гардаж авна, тэр үед дагалдах урамшууллын мөнгийг олгож эхэлдэг.  Тэгвэл эхийн нэг, хоёрдугаар одонгоо аваагүй эхчүүдэд хандсан нэгэн зарлал гарсан нь олон түмний эгдүүцлийг төрүүлэх боллоо.  Энэ нь "Эхийн 1,2 дугаар одонгоо аваагүй хүмүүс Мал эмнэлэг үржлийн тасгаас ирж авна уу" гэсэн зарлал.  Уг нь Ерөнхийлөгчийн зарлигаар эхчүүдэд одон, урамшуулалтай олгох болсон. Гэтэл зарим аймгийнхан эхчүүдийг малтай зүйрлээд байна уу даа.