Хошин урлагийнхан дундаа нилээдгүй хөдөлмөрч гэгддэг жүжигчин СТА Г.Ундармаа эмнэлэгүүдийн хүлээлгийн танхимыг тохижуулах хүсэлтэй байгаагаа илэрхийлсэн. Тэрээр энэ тухайгаа “Заавал хийнэ гэсэн эмнэлэгийн хүлээлгийн танхим тохижуулах ажлаа хурдан эхлүүлмээр байна. Одоо шинэ тоглолтын бэлтгэлд орсон байгаа бас хувийн ажлын ачаалал их байгаа болохоор наймдугаар сарын 20-ноос хүлээлгийн танхим тохижуулах ажлаа эхлэхээр төлөвлөсөн. Бас энэ төсөлдөө нэр өгчихвөл та бүхэнтэйгээ болон бусад үйл ажиллагааны үед ойлголцоход арай хялбар байх болов уу. Төслийн нэр “Хүлээлгийн танхим” гэвэл ямар байна” хэмээн  өөрийн Фэйсбүүк хуудаснаа бичжээ.

Энэ санаа чухам хаанаас гарсныг тодруулахад тэрээр ойр дотны хүнээ эмнэлэгт сахиж хэд хоносныхоо дараа “Өвчтөнийг сахиж байгаа хүмүүс мэдээж сэтгэл санаа тавгүй байдаг. Тэгээд тав тухгүй газарт шөнөжин хүлээж суух танхим нь арай өөр баймаар санагдлаа” гэжээ.