2014 оны хөрөнгө оруулалтын төсөл хөтөлбөрийн бэлтгэл 170 ажлын зураг төсөв боловсруулалтын сонгон шалгаруулалт Нийслэлийн худалдан авах ажиллагааны газарт хийгдэнэ. Дээрх ажлын 70 хувь нь өнгөрсөн 6-р сард нийслэлийн Засаг даргын захирамжаар тус газарт ирсэн бөгөөд одоогоор 122 ажил захиалагчаас хамааралтай удааширч байна. Худалдан авах ажиллагааг төлөвлөгөөний дагуу зохион байгуулахад хүндрэлтэй хэд хэдэн асуудал тулгарч байна. Тухайлбал, газар чөлөөлөгдөөгүй, зураг төсөв батлагдаагүй зэргээс гадна хамгийн их давтамжтай нь захиалагчаас зургийн даалгавар ирүүлээгүй 73 тохиолдол байна. Мөн ирүүлсэн зургийн даалгавар шаардлага хангахгүй байх, мэргэжлийн байгууллагад хянуулахад ажлын тоо хэмжээ өөрчлөгдөж зөрөх хүндрэл ч үүсэж байгаа юм. Зургийн даалгаврын хувьд цэцэрлэгийн өргөтгөлийн барилгын холболтын зураг төсөл гэхэд Боловсролын яам, нийслэлийн Боловсролын газар эсвэл тухайн цэцэрлэгийн аль нь захиалагчийн үүрэг хүлээж, зургийн даалгавар ирүүлэх нь тодорхойгүй байх жишээтэй. Тиймээс эдгээр газрууд нь төлөвлөгөөний дагуу ажлын зураг төсөв 2014 оны төсөв батлагдахаас өмнө бэлэн болбол ирэх онд гүйцэтгэгчийг сонгон шалгаруулах ажил хугацаа алдалгүй хийгдэж, бүтээн байгуулалт эрчимжих юм гэж Нийслэлийн Худалдан авах ажиллагааны газраас мэдээллээ.
2014 оны хөрөнгө оруулалтын төсөл хөтөлбөрийн бэлтгэл 170 ажлын зураг төсөв боловсруулалтын сонгон шалгаруулалт Нийслэлийн худалдан авах ажиллагааны газарт хийгдэнэ. Дээрх ажлын 70 хувь нь өнгөрсөн 6-р сард нийслэлийн Засаг даргын захирамжаар тус газарт ирсэн бөгөөд одоогоор 122 ажил захиалагчаас хамааралтай удааширч байна. Худалдан авах ажиллагааг төлөвлөгөөний дагуу зохион байгуулахад хүндрэлтэй хэд хэдэн асуудал тулгарч байна. Тухайлбал, газар чөлөөлөгдөөгүй, зураг төсөв батлагдаагүй зэргээс гадна хамгийн их давтамжтай нь захиалагчаас зургийн даалгавар ирүүлээгүй 73 тохиолдол байна. Мөн ирүүлсэн зургийн даалгавар шаардлага хангахгүй байх, мэргэжлийн байгууллагад хянуулахад ажлын тоо хэмжээ өөрчлөгдөж зөрөх хүндрэл ч үүсэж байгаа юм. Зургийн даалгаврын хувьд цэцэрлэгийн өргөтгөлийн барилгын холболтын зураг төсөл гэхэд Боловсролын яам, нийслэлийн Боловсролын газар эсвэл тухайн цэцэрлэгийн аль нь захиалагчийн үүрэг хүлээж, зургийн даалгавар ирүүлэх нь тодорхойгүй байх жишээтэй. Тиймээс эдгээр газрууд нь төлөвлөгөөний дагуу ажлын зураг төсөв 2014 оны төсөв батлагдахаас өмнө бэлэн болбол ирэх онд гүйцэтгэгчийг сонгон шалгаруулах ажил хугацаа алдалгүй хийгдэж, бүтээн байгуулалт эрчимжих юм гэж Нийслэлийн Худалдан авах ажиллагааны газраас мэдээллээ.
