Монголын Эрэгтэйчүүдийн холбооноос жил бүр уламжлал болгон тэмдэглэдэг  “Аавуудын өдөр"  өнөөдөр тохиож байна. Тус холбооноос энэ өдөрт зориулан “Миний хайртай аав ба би” сэдэвт өдөрлөгийг өчигдөр Дотоодын цэргийн 05 дугаар ангийн албан хаагчид, тэдний хүүхдүүдийн дунд зохион байгуулсан.

Энэ өдөр бол аав хүүхэд хамгийн ойр байх жилд ганц тохиодог өдөр юм. Тус өдрийн утга учрыг нь аав нар үр хүүхдүүдийнхээ өмнө хүлээсэн үүргээ хэрхэн биелүүлж байгаагаа үнэлж цэгнэх гэж хэлж болно.

Сонирхуулахад энэ өдрийг дэлхийн 17 улс энэ баярыг тэмдэглэн өнгөрөөдөг бөгөөд манай улс 18 дахь нь болж байжээ. Хамгийн анх 1910 онд АНУ-ын Вашингтон мужийн Дод нэртэй охин өөрийн аав Смартад зориулж энэ өдрийг бий болгосон гэдэг. Түүний ээж бага дүүг нь төрүүлэхдээ насан эцэслэсэн бөгөөд тэр цагаас аав нь 5 хүүхдээ ганцаараа өсгөжээ. 1966 онд АНУ-ын ерөнхийлөгч энэ өдрийг албан ёсоор “Аавуудын өдөр” болгон зарласан аж. Харин жил бүрийн 5 дугаар сарын 19-нд Англи, Франц, Бельги улсууд энэ өдрийг тэмдэглэн өнгөрөөдөг.