Яаралтай зүрхний хагалгаанд орох хэрэгтэй байгаа Г.Нямдаваа хүүгийн эмчилгээнд зориулсан “Зүрхний хайлан” нэртэй хандивын тоглолтын маргааш 19.00 цагаас "UB палас"-д болно.

Хандивын тоглолтыг “Дельта констракшн” болон МЗЭ-ийн дэргэдэх Залуу Зохиолчдын Нэгдэл хамтран зохион байгуулж байгаа бөгөөд тоглолтонд үе үеийн нийтийн дуучид, залуу яруу найрагчид оролцож уран бүтээлийнхээ дээжээс толилуулахаар болжээ.

 Түүний эмчилгээний зардал 30 сая төгрөг бөгөөд тоглолтоос энэ хэмжээний мөнгө олохоор 10 мянган төгрөгийн үнэтэй 3000 тасалбар хэвлүүлсэн байна. Үүнээс “Дельта констракшн” компани 2500 билетийг нь худалдан авч байгаа аж.

Энэ жил дөнгөж 18 нас хүрч байгаа Г.Нямдаваа хүү манай улсад эмчлэх боломжгүй зүрхний өвчтэй. Түүнд анх есөн сартайд нь энэ өвчний шинж тэмдэг илэрсэн бөгөөд 2010 оноос өвчин нь хүндэрч түүний зүрх томрон,  хэм алдалт нь ихссэн аж. Өвдсөн үедээ түүний зүрх минутанд 200-225 хүртэл цохилдог. Ингэж өвдөх бүртээ эмнэлэгт очдог ч түр зуур өвчнийг нь намдаагаад цаашид өөр эмчилгээ хийх боломжгүй гэдэг байна.  Улмаар түүний гэр бүлийнхэн Энэтхэг улсын зүрх судасны багт хандсанаар түүнд хагалгаа хийхийг зөвшөөрчээ.