Жил бүр их дээд сургуулиудын сургалтын төлбөр нэмэгддэг уламжлал тогтсон гэж хэлж болно. Одоогоор МУИС сургалтын төлбөрөө  50 хувь нэмсэн бол ШУТИС 10-13 хувиар нэмэх шийдвэр гаргаад байна. Тиймээс сургалтын төлбөр нэмэгдсэнтэй холбогдуулан Монголын оюутны холбооноос их, дээд сургууль, коллежийн удирдлага, удирдах зөвлөлд шаардлага хүргүүлжээ.

-2012-2013 оны хичээлийн жилд сургалтын төлбөрөө нэмэгдүүлэх замаар хуримтлуулсан хөрөнгийн зарцуулалтыг олон нийтэд нээлттэй болгож суралцагчид, эцэг эхчүүдэд тайлагнах, 

-Нэг оюутанд үзүүлэх үйлчилгээнд зарцуулах зардлын хэмжээг бодитойгоор тогтоох замаар сургалтын төлбөрийн хэмжээг тооцох аргачлалыг боловсронгуй болгох,

-Санхүүгийн ил тод нээлттэй байх зарчмыг баримтлах,

-Сургалтын төлбөрөө нэмэхгүй байх, нэмэгдүүлсэн тохиолдолд инфляцийн түвшинтэй уялдуулан нэмэх зэрэг асуудлууд багтсан байна. Хэрэв дээрх шаардлагыг биелүүлээгүй тохиолдолд МОХ-ны зүгээс эсэргүүцлийн үйл ажиллагаа зохион байгуулах бөгөөд сургалтын төлбөрөө нэмэгдүүлсэн сургуулийн нэр хүндэд халдах болно гэдгээ мэдэгдсэн юм.