Энэ жил дуу цахилгаантай усархаг бороо их орж байгаагийн улмаас үер ус болон галын аюулын дуудлага ихээр бүртгэгдэж байгаа аж. Өчигдөр шөнө буюу наймдугаар сарын 20-нд шилжих шөнө Зайсангийн ойролцоо аянга бууж олон хүмүүсийг сандаргасан ч хүний амь нас эрсдээгүй бөгөөд ноцтой хохирол учраагүй байна. Харин аянганы аюулаас сэргийлж Баянгол дүүргийн 15 дугаар хорооны иргэдийн цахилгааныг түр хугацаагаар хязгаарлажээ. Мөн нийслэлд үерийн аюултай бүсэд 2000 гаруй айл өрх байдгаас онцгой байдлын алба болон дүүргийн албаныхан хамтарч нүүлгэн шилжүүлэлт хийж эдгээр айл өрхүүдэд аюулгүй бүсэд газар олгох ажлыг гүйцэтгэж байна. 2013 оны эхний хагас жилийн байдлаар уснаас болж таван хүн амиа алдсан тохиолдол гарсан ч нийслэлийн Онцгой байдлын газар 278 хүнийг үер усны аюулаас авран хамгаалаад  байгаа юм.

Ойрын өдрүүдэд ихэнхи нутгаар усархаг, дуу цахилгаантай бороо орох учир айл өрх, иргэдийг үер усны аюулаас сэрэмжлүүлэхийг анхаарууллаа.