Нийтийн тээврийн том оврын автобусны үнэ өчигдрөөс эхлэн нэмэгдсэн талаарх мэдээлэл зарим хэвлэлээр гарсан.
Мөн зарим нийтийн тээвэр зорчигчдоос 500 төгрөг авсан тухай мэдээлэл ч цахим хуудсуудаар явж байсан. Энэ талаар Нийслэлийн тээврийн газрын олон нийттэй харилцах хэлтсийн мэргэжилтэн М.Даваасүрэнгээс тодруулахад “Нийслэлийн тээврийн газраас тасалбарын үнэ нэмэх шийдвэр гаргаагүй. Тийм болохоор автобус компаниуд үнээ нэмэх эрхгүй” гэлээ.