Шударга өрсөлдөөн, хэрэглэгчийн төлөө газарт такси үйлчилгээний компаниуд үнээ нэмэх санал хүргүүлээд байсан билээ. Тэгвэл энэ асуудлыг ШӨХТГ-ынхан хэлэлцээд таксины км тутмын үнийг нэмэхээр болсон байна.

   Хэрэглэгчид эхний нэг км-т 1500 төгрөгөөр явах бол хоёр дахь км-ээс 1000 төгрөгөөр тооцохоор болжээ. Энэ нь хотын таксинуудыг нэг стандарттай болгох, соёлтой үйлчилгээг нэвтрүүлэх зорилготой аж. ШӨХТГ болон Нийслэлийн тээврийн газраас такси үйлчилгээний компаниудад гадаад үзэмжээ нэгэн жигд болгох, тоолуур тавих гэх мэт шаардлага тавьжээ. Хэрэв сарын дотор энэ шаардлагыг биелүүлж чадвал есдүгээр сарын сүүлээс таксинууд нэмэгдсэн үнээр үйлчлэх юм байна.