Жил бүр “Фронтиер” компаниас  зохион байгуулдаг" Invest Mongolia" хөрөнгө оруулагчдын чуулга уулзалтын талаар өнөөдөр мэдээлэл хийлээ. Тус чуулга уулзалт энэ жил долоо дахь удаагаа зохион байгуулагдаж байгаа юм.  Энэ жилийн хувьд "Чингис" зочид буудалд ирэх сарын 2, 3-ны өдрүүдэд болно. Мөн тус чуулга уулзалтад өнгөрсөн жил 100 хөрөнгө оруулагч оролцож байсан бол энэ жил 50 гаруй хөрөнгө оруулагч оролцох гэнэ. 

Уулзалт арван үндсэн сэдвийн дор болох юм. Тухайлбал “Засгийн газрын бодлогын шинэчлэл”, “Дэлхийн эрдэс бүтээгдэхүүний зах зээлийн төлөв”, “Монголын макро эдийн засаг”, “Оюутолгой, Тавантолгой төслийн явц”, “Эрдсийн бус салбарт хөрөнгө босгох боломж” зэрэг өргөн хүрээтэй асуудлууд багтжээ. Түүнчлэн энэ жилийн нэг онцлог бол байгаль орчны асуудлыг хэлэлцэх сэдвүүдэд багтаасан явдал юм.

Зохион байгуулагчдын хэлж буйгаар “Монгол төгрөг доллартай харьцах ханш 1600 болсон байгаа нь гадаад хөрөнгө оруулагчид монголоос хөрөнгөө татаж байгаагийн нэг илрэл юм. Засгийн газраас 2011 онд гадаад хөрөнгө оруулалтыг хязгаарлах арга хэмжээ авч байсан. Гэтэл гадаадын улс орнууд хөрөнгө оруулалт татахыг ихээр хичээж байна. Монголчууд өөрсдийгөө эргэн тойрныхоо улсуудтай харьцуулж гадаад хөрөнгө орууулалт үнэхэээр хэрэгтэй юу гэдгийг бодох цаг нь болсон” гэлээ. Тэд цааш нь энэ чуулга уулзалт оролцохыг хүссэн хэн бүрт нээлттэй гэдгийг тэмдэглэсэн юм.
Сонирхуулахад “Фронтиер” компани нь анх 2012 онд байгуулагдсан бөгөөд брокер деллерийн үйл ажиллагаа явуулахаас гадна санхүүгийн зөвлөгөө өгдөг аж.