Сурагчийн шинэ дүрэмт хувцасны үнийг эсэргүүцсэн эцэг эхчүүд эсэргүүцлийн жагсаал хийх болсон талаараа мэдэгдлээ. Тэд ирэх сарын 20-ны өдөр 15.00 цагаас Чингисийн талбай дээр жагсах юм байна. Мөн өөрсдийнх үзэл бодлыг дэмжиж буй хүмүүсийг эсэргүүцлийн жагсаалд нэгдэж, жагсахыг уриалсан байна. Тэд энэ уриалгаа байр, орон сууцны үүд болгонд наасан байна.

Энэ жил сурагчдын дүрэмт хувцасыг дотооддоо, хонины ноос ноолуурыг ашиглан үйлдвэрлэж байгаа. Мөн өнгөрсөн пүрэв гаригаас эхлэн нийт 16 цэгээр дүрэмт хувцсыг борлуулж эхэлсэн билээ. Энэ хичээлийн жилд ерөнхий боловсролын сургуулийн нийт сурагчдын 73.9 хувь буюу 37300 гаруй сурагч шинэ дүрэмт хувцас өмсөнө. Сурагчдын дүрэмт хувцсыг үйлдвэрлэх төсөлд оёдлын 68, сүлжмэлийн 44, хонины ноос боловсруулах найм, ээрэх зургаа нийт 130 гаруй үйлдвэр хамрагдан өдөр шөнөгүй ажиллаж байгаа билээ.