Өнөөдөр болсон НИТХ-ын шийдвэрээр Үндэсний Соёл амралтын хүрээлэнд орших их зохиолч Д.Нацагдоржийн хөшөөг Улаанбаатар зочид буудлын өмнө талбайд байрлуулахаар болжээ. Хөшөөг шилжүүлэн байршуулах тухай асуудлыг  Ерөнхий төлөвлөгөөний газрын орлогч дарга Э.Анар НИТХ-ын Тэргүүлэгчдэд танилцуулсан юм.

Уг хөшөө нь нийтдээ 7 метр өндөртэй, 9 тонн жинтэй. Өнөөдрийн байдлаар эргэн тойрондоо барилгаар хүрээлэгдсэн үзэгдэх орчин болон хамгаалалт алдагдсан байдалтай байгаа аж. Энэ талаар танилцуулагсад  хөшөөг  Улаанбаатар Зочид буудлын өмнө болон Нацагдоржийн нэрэмжит төв номын сангийн өмнө байрлуулах санал гаргасан бөгөөд  Тэргүүлэгчид үүнийг хэлэлцээд Улаанбаатар Зочид буудлын өмнөх  цэцэрлэгт хүрээлэнд байршуулахаар тогтоол гаргасан байна.