Өнөөдөр болсон НИТХ-ын Тэргүүлэгчдийн хурлаар “Нийтийн
үйлчилгээний Улаанбаатар нэгтгэл байгуулах тухай” асуудлыг хэлэлцлээ. Ингэснээр "Улаанбаатар зам засвар арчлалт" ОНӨААТҮГ, "Хот тохижилтын газар" НӨҮГ, "Усны барилга байгууламж" НӨҮГ зэрэг гурван байгууллагыг татан буулгаж, “Нийтийн үйлчилгээний Улаанбаатар нэгтгэл” байгуулах юм. Энэ асуудлыг Тэргүүлэгчид 100 хувийн саналаар баталж, энэ сарын 9-ний өдрөөс эхлэн “Нийтийн үйлчилгээний Улаанбаатар нэгтгэл” байгуулахаар болжээ.
Дээрх гурван байгууллага нь ам засвар тэмдэглэгээ, ногоон байгууламж, тохижилт, борооны болон үерийн ус зайлуулах чиглэлээр үйл ажиллагаа явуулдаг. Эдгээр байгууллагууд нь ажлын нэгдмэл уялдаагүй, үр ашиггүй зардал ихээр гаргаж байна. Түүнчлэн 686 хүний орон тоотой боловч улирлын чанартай үйл ажиллагаа явуулдаг. 155 машин механизмтай боловч ажиллаж байгаа нь цөөхөн тул хүрэлцээ муутайн дээр сул зогсолт ихтэй ажилладаг. Тиймээс эдгээр 3 газрыг Энэхүү газар байгуулагдснаар хотын нийтийн үйлчилгээ болон инженерийн хангамжийн 24 цагийн шуурхай үйлчилгээтэй болж, хаягжилт, гудамж зам талбайн арчлалт хамгаалалт сайжрах юм.
