Өнөөдөр Үйлдвэр Хөдөө Аж Ахуйн яамнаас хүнсний хог хаягдлыг бууруулахаар  цаашид авч хэрэгжүүлэх гэж байгаа арга хэмжээнүүдийн талаар мэдээлэл хийлээ.
Дэлхийн хэмжээнд үйлдвэрлэгдсэн нийт хоол хүнсний 1/3  хувь буюу  нэг их наяд ам. долларын өртөг бүхий  1.3 тэрбум тонн  хаягдаж байна. Эдгээр бүтээгдэхүүний үйлдвэрлэлд нийт хөдөө аж àхуйд хэрэглэж буй усны 24%-ийг зарцуулж байгаа юм. Үүн дотроо үр тарианы 30%,  сүү, сүүн бүтээгдэхүүний 20%, хүнсний ногоо, жимс жимсгэнийн 45%, мах, махан бүтээгдэхүүний 20%-ийг муутгаж, хэрэглэхгүй хаяж байна гэсэн тооцоо гарчээ.
2011 оны байдлаар хүнсэнд хэрэглэсэн малын нядалгааны жин 495.2 мянган тонн  байснаас 34.4 мянган тонн  нь технологийн хорогдол, харин үлдсэн 136 мян.тн хүнсний зориулалттай дайвар бүтээгдэхүүний нөөцийг боловсруулалгүй хаядаг гэсэн судалгаа ч байдаг юм.

Энэ байдлаас гарахын тулд ҮХААЯ-наас дараах ажилуудыг зохион байгуулах төлөвлөсөн байгаа аж. Үүнд:
•    Хүнсний сүлжээний бүх үе шатанд хорогдол хаягдлыг бодитой тодорхойлох, судалгаа хийх, энэ талаар олон улсын туршлагыг судлах, техникийн туслалцаа авах   
•    Хүнсний хорогдол хаягдлыг багасгах компанит ажлыг төлөвлөж хэрэгжүүлэх
•    “ХҮНСЭЭ ХЭМНЭЖ, ХӨРӨНГӨӨ АРВИЖУУЛЪЯ” уриан дор жил бүр олон нийтрүү хандсан аян өрнүүлэх  
•    Малчид, тариаланчид, хэрэглэгч гэх мэт хүнсний сүлжээнд оролцогч бүх этгээдийн хүнсний хорогдол хаягдлыг бууруулах мэдлэг боловсролыг дээшлүүлж, зохистой дадлыг төлөвшүүлэх,
•    Хүнсний сүлжээний логистикийг сайжруулах чиглэлээр хөрөнгө оруулалтыг нэмэгдүүлэх
•    Хүнсний боловсруулалт, хадгалалт, тээвэрлэлтийн технологийг сайжруулахад төрөөс дэмжлэг үзүүлж, урамшуулах зэрэг ажлууд багтжээ.