Өнөөдөр болох зарим үйл явдлыг танилцуулж байна.

08:30 цагт Төрийн ордны их танхимд "Шинжлэх ухаан, технологи, инновацийн бодлогын шинэчлэл" үндэсний чуулган эхэлнэ. Чуулганаар Монгол Улсын шинжлэх ухаан, технологи, инновацийн салбарын өнөөгийн байдал, хөгжлийн бодлого, тулгамдаж буй асуудал, цаашид авах арга хэмжээний талаар танилцуулж, салбарын эрдэмтэн, судлаачдаар дээрх асуудлыг хэлэлцүүлнэ.

09.00 цагт  “ЭРҮҮЛ МЭНДИЙН САЛБАРЫН АЖИЛЛАГСДЫН НИЙГМИЙН БАТАЛГАА” сэдэвт улсын зөвлөгөөн өнөөдөр ЭМЯ-ны Б зааланд болно.

09.00 цагт Байгаль орчин, ногоон хөгжлийн яамнаас “Төрөөс ойн талаар баримтлах бодлого” баримт бичгийн төслийн хэлэлцүүлэг “Пума” зочид буудлын 2 давхарын хурлын танхимд эхэлнэ.

09.30 цагт "Хотыг цэцэрлэгжүүлэх нь" сэдэвт сургалт, семинар өнөөдөр Нийслэлийн засаг захиргааны 2 дугаар байрны 16 давхарт Өргөө танхимд эхэлнэ.

10.00 цагт  Беларусийн үндэсний үйлдвэрийн үзэсгэлэн, бизнес чуулганы нээлтийн ажиллагаа өнөөдөр МҮХАҮТ-д болно.

10.30 цагт Монгол Улсын Хүний Эрхийн комисс хэвлэлийн бага хурал хийнэ. Хурал Засгийн газрын 11-р байрны 514 тоотод болно.

МН мэдээллийн төвд

11.00 цагт Барилгын салбарын өнөөгийн асуудлаар “Барилга.мн”-ээс мэдээлэл хийнэ.

11.30 цагт Баянхонгор аймгийн Гурванбулаг суманд хууль бусаар алт олборлож буй асуудлаар нутгийн залуус, ТББ-ууд хамтарч мэдээлэл хийнэ.

12.00 цагт “Иргэдийн шударга шүүх”, “Зөв Монголын төлөө” ТББ, Хохирогчдын холбооноос Хуульчдын холбоо болон хуулийн байгууллагын хууль бус үйл ажиллагааны талаар хэвлэлийн бага хурал зарлалаа.

12.30 цагт ТВ-8 телевизээс зохион байгуулж буй хошин урлагийн оддын “Хамтдаа шоу”-ны талаарх мэдээллийг сонирхоорой.

13.00  цагт Нээлттэй нийгэм форумаас дэлхийн өрсөлдөх чадварын 2013-2014 оны индекс дэх Монгол Улсын байр суурийг танилцуулна.