Хэдхэн өдрийн өмнө Дамбадаржаа дахь 58-р сургуулийн цэвэр усны шугамд нь ус цэвэршүүлэгч тоног төхөөрөмж суурилуулж өгсөн нь гэр хорооллын хүүхдүүдэд юу юунаас илүүтэй том бэлэг болж чадлаа. Уг тоног төхөөрөмжийг суурилуулж өгсөнөөр хүүхдүүд өдрийн цайны цагаар цэвэр ус уух бүрэн боломжтой болсон нь олон хүүхдүүдэд таалагдаж байгаа бөгөөд хүссэн үедээ цэвэршүүлсэн цэвэр ус уух болсондоо баяртай байна хэмээн ихэд хангалуун өгүүлцгээж байсан юм.  
Уг ажлыг Улаанбаатар хотын Захирагчийн Дамбадаржаа, Сэлбэ, Бэлх зуслан дахь ажлын албаны дарга Э.Ганбатын санаачилсан бөгөөд БНСУ-ын Засгийн газрын буцалтгүй тусламжийн хүрээнд уг тоног төхөөрөмжийг суурилуулж өгсөн байна.  
Энэхүү арга хэмжээнд Монголын талаас Улаанбаатар хотын Захирагчийн Дамбадаржаа, Сэлбэ, Бэлх зуслан дахь ажлын албаны дарга Э.Ганбат болон Монгол ус ТӨҮГ, Солонгосын талаас KICT, SWS болон KTL гэсэн байгууллагууд оролцжээ.