Маргааш буюу энэ сарын 13-нд “Лантуун дохио” ТББ-ын мэргэжлийн хуульчид  "Хөдөлмөрийн харилцаан дахь хүний эрхийн асуудал" сэдвээр үнэ төлбөргүй хичээл зааж, иргэдэд зөвлөгөө өгөхөөр болжээ.

Тэд хүн бүр хуульч байх албагүй, гэхдээ наад захын өөртөө хамаатай хууль дүрмээ мэдэж байх хэрэгтэй хэмээгээд төгсөх курсийн оюутнууд, ажил хайж байгаа хүмүүсийг ирж энэхүү хичээлдээ суухыг урьж байна. Учир нь ажилд орох гэж байгаа хүмүүс хууль зүйн мэдлэг дутмагаас янз бүрийн ажилд орчихоод, сүүлд нь хохирч үлддэг тул “Лантуун дохио” ТББ ийнхүү сургалт зөвлөгөө өгч байгаа аж.

Дээрх хичээлд оролцох эсвэл зөвлөгөө авахыг хүсэгчид 99996844 /Ч.Ганжавхлан/ утаснаас мэдээлэл авах боломжтой юм байна.