“Харанга” хамтлагийн хөгжимчин, хөгжмийн зохиолч, УГЗ Ц.Чулуунбатын Chuka and friends “Содон аялгуу” амьд тоглолт энэ сарын 27,28-ны өдрүүдэд UB паласт болох гэж байна. УГЗ Ц.Чулуунбат нь Монголын орчин үеийн хөгжмийн урлагт зүтгээд 40 жил болсон баяраа энэ тоглолтоороо тодотгож байгаа бөгөөд өнгөрсөн хугацаанд бүтээсэн хит дуунууд болон шинэ уран бүтээлүүдээ тус тоглолтоороо толилуулах аж.

Нийт 200 гаруй хүн гар бие оролцож байгаа тус тоглолт нь гурван цаг үргэлжлэх бөгөөд 100 хувь амьд тоглолт болохоороо онцлогтой аж.

Тоглолтод Харанга, Чингис хаан, Никитон, Sweetymotion, Freezone, Ньюанс, Гурван охин, Киви, Аnemone, Мотив, Б.Сарантуяа, Т.Ариунаа, Ж.Алтанцэцэг, С.Сэрчмаа, Б.Чинбат, Т.Дэлгэрмөрөн, Б.Баярцэцэг, BX, Наагий болон симфони найрал хөгжим, бүжгийн Натур дээнс хамтлаг зэрэг уран бүтээлчид оролцоно.

Тоглолын ерөнхий продюсероор хөгжмийн найруулагч М.Болд ажиллаж байгаа бол найруулагчаар Н.Халиун ажиллах юм байна. Харин Ерөнхий спонсороор Петровис Нано, Айр транс зэрэг компаниуд ажиллаж байна.

Тоглолтын билет нь 25.000-40.000 төгрөгийн үнэтэй бөгөөд www.easyticket.mn хаягаар захиалж авахаас гадна Hi Fi, UB паласын билетийн кассаар борлуулж байгаа аж. Хэрэв та ажилтай болоод биеэрээ явж билет авах боломжгүй бол www.easyticket.mn интернэт хаягаар тоглолтын билетээ захиалах боломжтой юм байна.

“Содон аялгуу” тоглолтоос өмнө хөгжмийн зохиолч Ц.Чулуунбатын тухай баримтат кино телевизүүдээр гарч эхлэх юм байна. Мөн дуучин Баярцэцэгийн дуулсан “Содон аялгуу” дууг клиптэй болгон үзэгчдэдээ хүргэхэд бэлэн болсон байна.