Өчигдөр НИТХ-ын тэргүүлэгчдийн ээлжит хуралдаан болж, Нисэхийн Цагаан хаалгыг буулгах шийдвэрийг гаргасан. Тэгвэл яг одоо Нисэхийн “Цагаан хаалга”-ыг буулгаж байна. Яармагийн гүүрээс Нисэх, Нисэхийн товчоо хүртэлх 13.7 км замын өргөтгөл, трасст уг хаалга орж байгаа тул ийнхүү буулгаж байгаа юм. Уг хаалгыг Хөшигтийн хөндийд баригдах олон улсын нисэх буудлын авто замын чиглэлд буюу Айдсын даваа орчимд шилжүүлэн барихаар төлөвлөж байгаа аж.