Үлэг гүрвэлийн түр музейд зуншсан Т-Батаар өнөөдөр Дархан хотод очсон байна.  Тус олдворыг байрлуулах музейн асуудал одоог хүртэл шийдэгдээгүй учир Дархан-Уул аймгийн Тамгын газар байраар хангаж иргэдэдээ үзүүлэхээр болсон юм.

Сонирхуулахад Т-Батаарыг өнгөрсөн зургадугаар сарын 8-наас эхлэн үлэг гүрвэлийн түр музейд байрлуулж иргэдэд төлбөртэй үзүүлсэн. Ингэснээр  320 мянган хүн Т-Батаарыг үзсэн бөгөөд улсын төсөвт 120 сая 59 мянган төгрөгийг  оруулжээ.