Дотоодын цэргийнхний дунд жил бүр зохион байгуулагддаг  “Жижиг бүлгийн тактик-2013″ тэмцээн өнөөдөр Цагдаа дотоодын цэргийн нэгдсэн сургалтын төвд өнөөдөр эхэлнэ. Тэмцээний нээлтэд  Дотоодын цэргийн штабын дарга, бригадын генерал Т.Хүрэлбаатар оролцох бөгөөд тэмцээн хоёр өдөр үргэлжлэх юм байна.

Тэмцээнд оролцож буй төв болон орон нутгийн анги, салбарын 14 баг 10 км марш үйлдэхдээ автомашин жолоодох ур чадвар, зөрчигч этгээдийн мөрийг илрүүлэх, хэргийн газарт үзлэг хийх, хамгаалалтад авах, тактикийн буудлага зэргээр өрсөлдөнө. Мөн саадтай зурвас, хордсон газар орныг туулах, шалган нэвтрүүлэх ажиллагаа, нормативын бэлтгэл, албаны нохойн дасгал, гардан тулааны үзүүлбэр, тактик сэтгэлгээ, сэтгэн бодох чадварууд багтаж байгаа юм.

Уг тэмцээнийг зохион байгуулснаар  алба хаагчдын мэргэжлийн ур чадвар, бие бялдар, сэтгэл зүйн бэлтгэлийг сайжруулах, бүлгийн хэмжээнд үүрэг гүйцэтгэх чадварыг нэмэгдүүлдэг  ач холбогдолтой юм байна.