“Зүүн 4 зам”-ын уулзварын зүүн талын хойд урсгалын 100 метр замын хөдөлгөөнийг өнөө орой 22.00 цагт хааж, хучилтын ажлыг гүйцэтгэж,  маргаш 22.00 цагт нээхээр төлөвлөж байна. Харин Гудамж төслийн хүрээнд Гэмтлийн эмнэлгээс доош уруудсан замыг I хорооллын арын замтай холбох ажлын явц 53 хувьтай байгаа бөгөөд зам засварын ажлыг "Экспрессзам" ХХК гүйцэтгэж байна. Зам засварын ажил гэрээ ёсоор ирэх сарын 15-ны өдөр дуусна.