Засгийн газрын хэрэг эрхлэх газраас 2013 оны 09 дүгээр сарын 25-ны өдөр ”Иргэн төвтэй - төрийн үйлчилгээний шинэчлэл” бодлогын баримт бичиг боловсруулах ажлын хүрээнд яам агентлагуудад мэдээлэл өгөх, санал авах зорилгоор хэлэлцүүлэг зохион байгууллаа. Уг хэлэлцүүлгийг Монгол Улсын Ерөнхийлөгчийн ажлын албанаас зохион байгуулсан бөгөөд Сангийн яам, Эдийн засаг, хөгжлийн яам, Гаалийн ерөнхий газар, Татварын ерөнхий газрын төлөөлөл оролцон асуулт, хариулт явуулж санал солилцлоо. ”Иргэн төвтэй - төрийн үйлчилгээний шинэчлэл” бодлогын баримт бичиг гарснаар шийдвэр гаргах үйл явцыг ил тод болгож, иргэдийн оролцоог нэмэгдүүлж, шууд ардчиллын хэлбэрүүдийг хөхиүлэн дэмжиж, төсөв, хөрөнгө оруулалт, худалдан авах ажиллагаа, тусгай зөвшөөрөл, гэрээний ил тод байдлыг хангаж, иргэд, иргэний нийгмийн байгууллагын зүгээс хяналт тавих боломжийг бүрдүүлэх зорилготой юм.
 Гаалийн байгууллагаас хэлэлцүүлэгт оролцсон төлөөлөл уг бичиг баримтын төслийг Гаалийн байгууллагын хэмжээнд танилцуулж санал авч, нэгтгэн цахим хэлбэрээр Засгийн газрын хэрэг эрхлэх газарт хүргүүлэх юм.