Япон улсад манай улсаас суралцах сонирхолтой оюутнууд их байдаг ч хэрхэн, яаж суралцах, ямар сургуулиуд байдаг талаар ойлголт муутай байдаг байна.  Японоос ирсэн эрдэмтэн, багш нарын хэлснээр Япон улсын сургуулийн зардал ойролцоогоор 900 мянган иенээс дээш байдаг гэнэ. Хэрэв тус улсад очиж суралцсан тохиодолд сурахын зэрэгцээ долоо хоногт 28 цаг ажиллах эрхтэй байдаг талаар ч дуулгасан юм. Мөн тэтгэлэгт хөтөлбөрт хамрагдах боломж өргөн байдаг гэлээ.

“Японы Засгийн газраас гадаадын оюутан, залуусыг өөрийн улс орондоо суралцахыг дэмжих бодлого барьж байгаа. Мөн сургуульд нь сурч төгссөн боловсон хүчнийг өөрийнхөө улс оронд ажиллуулах сонирхолтой байдаг” хэмээн Японд мэргэжил эзэмшсэн, “Монголын бизнесийн холбоо”-ны гүйцэтгэх захирал Б.Мөнхтуг хэлсэн юм. Ямартаа ч "Японд суралцах мэдээллийн яармаг-2013"-ын хөтөлбөрийг Боловсролын яамнаас гаргасныг та бүхэнд танилцуулж байна.