Олон нийтийн сүлжээ Фэйсбүүк хуудаснаа нэгдсэн  "Халуун сэтгэл" группын залуус Улаанчулуутын хогийн цэгийн хажууд “Сургалтын танхим” байгуулжээ. Ингэснээр тэнд хог түүж амьдралаа залгуулдаг хүүхдүүдэд мэдлэг боловсрол олгох тэдэнд өөрийгөө хөгжүүлэх боломжыг бүрдүүлээд байгаа юм.

   Энэ тухай тэд өөрсдийн групп хуудаснаа "Хүүхдүүд маань Хамтын халуун сэтгэлийнхний яриад байгаа "СУРГАЛТЫН ТАНХИМД" ирэхдээ хичээл гэхээсээ илүү өөрийгөө хөгжүүлэх, сэтгэлгээгээ тэлэх, зөв хүмүүжил авах тэр л замыг харж ирдэг байгаасай" гэжээ.

Тус танхимд хүүхдүүдэд сургалт явуулахад зориулсан ширээ сандал ном сурах бичиг, хичээлийн хэрэгсэлээс авахуулаад телевизор хүртэл байрлуулсан байна. Гэсэнч тэдэнд дутуу зүйл их байгаа бөгөөд үүнд нь сайхан сэтгэлт монголчуудыг туслана хэмээн  "Халуун сэтгэл" группын залуус найдаж байгаа аж.