Замын цагдаагийн газраас Баруун дөрвөн зам, Бөхийн өргөө, 64 дүгээр дэлгүүр, Зүүн дөрвөн зам, Саппорогийн автобусны буудлуудыг нүүлгэн шүлжүүлэх талаар нийслэлийнТээврийн газарт удаа дараа санал ирүүлсэн байна. Учир нь, тус автобусны зогсоолууд нь замын хөдөлгөөнд саад учруулах, зам тээврийн осол зөрчлийн тоо нэмэгдэх шалтгаан болж байгаа гэж цагдаагийнхан үзжээ. Баруун дөрвөн замын автобусны зогсоол нь Энхтайван найрамдлын ордны зогсоолоос 560 метр, “Бөмбөгөр" худалдааны төвийн зогсоолоос 700 метр зайд, дараагийн зогсоол “ТБД Андууд”-ын зогсоол хүртэл  500 метр байна. Уг зогсоолоор давхардсан тоогоор өдөрт дунджаар 120 мянган иргэн үйлчлүүлдэг гэсэн зорчигч урсгалын судалгааг нийслэлийн Тээврийн газар хийсэн байна.
Иймээс нийслэлийн Тээврийн газраас тус асуудлыг олон нийтийн санал асуулга явуулах замаар шийдвэрлэхээр тогтлоо.