Манай сайт та бүхэн давсагны хорт хавдартай хүүгийн талаарх мэдээллийг хүргэж байсныг санаж байгаа биз ээ. Тэгвэл хүүгийн биеийн талаар дөнгөж сая асууж тодрууллаа. Гэвч их л таагүй мэдээг бидэнд дуулгасан юм.

  Гурван настай  Энхдөлгөөн хүү давсагны хорт хавдраар өвчлөөд багагүй хугацааг өнгөрөөж байгаа юм. Монголд түүний өвчнийг хоргүй гэж оншилсон ч 4 сарын дараагаар Швейцарт дахин шинжилгээ өгөхөд хорт хавдар гэдэг нь тогтоогдсон. Ингээд хугацаа алдсан ээж нь хүүгийн амьдрах хоногийг бага ч гэсэн уртсгах гэж байдаг аргаа хэрэглэж байсан билээ. Тиймээс ээж нь Монголд ирэх гэж байгаа америкийн эмч нарт хүүхдээ үзүүлж хэрэв боломжтой бол гадагшаа явж эмчлүүлнэ гэж байсан ч "одоо  ямар ч найдлагагүй" гэсэн хариуг сонссон байна. Учир нь хүүгийн хорт хавдар бүх биеэр нь тархсан байжээ. Одоогоор хүүгийн бие маш муу байгаа бөгөөд найдлагагүй болсон учир эмнэлгээсээ ч гарчээ. Улмаар ээжийнхээ хамт хэд хэдхэн хоногийн өмнө Дорнод аймагруу буцсан талаар асран хамгаалагч нь хэллээ.

Уг нь хүүгээ хорт хавдартайг мэдсэн даруйдаа Ж.Сарантуяа аймгаасаа сонгогдон гарсан УИХ-ын гишүүн Н.Номтойбаярт таван удаа, Болорчулуунд гурван  удаа хандсан ч түүнийг асуудлыг авч хэлэлцээгүй гэдэг. Мөн Эрүүл мэндийн сайд Н.Удвалтай уулзах гээд бараагүй талаар хэлж байсан юм. Ямартаа ч мөнгөгүй ядуугийн зовлонгоор мөн хугацаа алдаж онош гаргаснаас болж гуравхан настай бяцхан хүү өдгөө өдөр хоногоо хүлээн хэвтэж байгаа нь үнэхээр харамсалтай.