Заамарт үйл ажиллагаа явуулж байсан “Шижир алт” компанийн эзэмшлийн ордын нөөц шавхагджээ. “Монголросцветмет” нэгдэл, ОХУ-ын “Зарубежцветмет” нэгдэл, “Эрдэнэт” концернийн хамтарсан тус компанийн хувь нийлүүлэгчдийн хурал өнгөрсөн наймдугаар сард болж, үйлдвэрийг татан буулгах шийдэлд хүрсэн байна. Өдгөө үйлдюрийн тоног төхөөрөмж, өмч хөрөнгийг “Монголросцветмет” нэгдэлд шилжүүлэх үйл явц үргэлжилж байгаа гэнэ. “Шижир алт” компанийн суурин дээр “Монголросцветмет” нэгдэл бие даасан менежментийг хэрэгжүүлж, уурхайн ажлыг үргэлжлүүлэх бололтой.

Монгол Улс зах зээлийн нийгэмд шилжсэн хямралын үед Засгийн газраас хэрэгжүүлсэн “Алт" хөтөлбөрийн хүрээнд Заамарын алтны шороон ордын Туулын хэсэгт үйлдвэр байгуулах тухай Засгийн газрын тогтоолыг үндэслэн “Монголросцветмет” нэгдэлд түшиглэн тус үйлдвэрийг байгуулсан түүхтэй. Манай улсад алт олборлолтоороо хамгийн томд тооцогдох 8.6 сая ам долларын хөрөнгө оруулалттай, орчин үеийн энэ үйлдвэрийг хугацаанаас нь хоёр дахин бага хугацаанд барьж байгуулан 1994 онд ашиглалтад оруулж байв.

Шинэ үйлдвэрийн бүтээн босголтын ажлыг “Монголросцветмет” нэгдэл дангаараа санхүүжүүлэх боломжгүй байсан тул тус нэгддээс гадна ОХУ-ын “Зарубежцветмет” нэгдэл, “Эрдэнэт” концерн хамтран “Шижир алт” компанийг байгуулахаар шийд Ппинн үеийн техник технологи, өндөр мэргэжлийн боловсон хүчнээр хангагдсан “Шижир алт” компанийн заамарын алтны үйлдвэр байгуулагдсан цагаасаа өндөр үр ашигтай ажмллаж, зах зээлийн хүнд үеийг давахад улс орны эдийн засагт томоохон хувь нэмэр оруулсан. Үйлдвэрийн ажилтнуудийн тохь тухтай орчинд ажиллаж, амьдрах нөхцлийг бүрдүүлэхэд анхаарал тавьсаар өнөөдөр ажилчдын орон сууц, гүний  худаг, цэвэрлэх байгууламж, сургууль, цэцэрлэг, эмнэлэг бүхий уурхайчдын тохилог тосгон бий болсон 250 ажилчинтай тус үйлдвэр өнгөрсөн оныг хүртэл 16,4 тонн цэьэр алт олборлон Монгол Улсын Эрдэнэсийн санд тушааж, алт олборлогч компаниудын тэргүүлэх эгнээнд явж иржээ.