Өргөн хэрэглээний бараа бүтээгдэхүүнээс авахуулаад дулаан цахилгааны үнэ өссөөр байгаа энэ үед цалин тэтгэвэр тэтгэмжийг нэмэгдүүлэх асуудал хурцаар тавигдаж байна.

Тэгвэл удахгүй хэлэлцүүлэгдэх ирэх оны төсөвт цалин тэтгэвэр тэтгэмжийг нэмэх асуудал хэрхэн тусгагдсан талаар Сангийн сайд Ч.Улаан “2014 онд цалин, тэтгэвэр тэтгэмжийг нэмэгдүүлэх зорилгоор 200 тэрбум төгрөг төсөвлөж байгаа. Цалин, тэтгэвэр, тэтгэмжийн нэмэгдлийг шинэлэг аргаар буюу өмнө нь нэмэгдүүлж байсан шиг сүр дуулиантайгаар зарлаж нэмэхгүй” гэсэн юм.

Түүнчлэн ирэх  онд цалин, тэтгэврийг нэмэхдээ хөдөлмөрийн бүтээмж, ажлын үр дүн, салбарын  онцлог гэх мэт ялгавартайгаар цалин тэтгэвэрийг нэмэхээр төсөвт тусгажээ. Ямартай ч ирэх жил цалин тэтгэвэр тэтгэмж тодорхой хувиар нэмэгдэх бололтой.