Баянгол дүүргийн Цагдаагийн хэлтсийн дарга, цагдаагийн хурандаа Н.Амарзаяа тэргүүтэй дөрвөн офицерыг хөрөнгө орлогын мэдүүлгээ буруу гаргасан гэдэг үндэслэлээр  ЦЕГ-ын дарга Б.Билэгт ажлаас нь халаад байсан. Тэгвэл тэднийг өмнө нь эрхэлж байсан ажилд нь буцаан томилох болон өөрсдийнх авч байсан дундаж цалинтай тэнцэх нөхөн олговор олгохоор болжээ.

Тодруулбал дээрх нэр бүхий гурван ахлах офицер “Өмнө нь сахилгын шийтгэл оноочихоод байхад албанаас үндэслэлгүйгээр халсан” хэмээн нийслэлийн Захиргааны хэргийн шүүхэд нэхэмжлэл гаргасан юм. Энэ хэргийг Захиргааны хэргийн шүүх хэлэлцээд ЦЕГ-ын даргын тушаалыг хүчингүй болгож эрхэлж байсан ажилд нь буцаан томилох зэрэг шийдвэрүүдийг гаргасан аж.