Нийслэлийн тээврийн газрын даргын тушаалаар үндсэн тав, туслах долоон шугамын замналыг нэг чиглэлдээ "Саппоро"-ийн зогсоол дээр зогсохгүй байхаар өөрчлөлт оруулжээ.

Учир нь "Гудамж төсөл"-ийн хүрээнд Саппорогийн тойргийг гэрлэн дохиотой уулзвар болгон өөрчилсөнтэй холбогдуулан чиглэлүүд хуучин саппорогийн тойрог байхад зориулагдсан төлөвлөлтөөр цаашид замын хөдөлгөөнд оролцох нь замын хөдөлгөөний аюулгүй байдалд нөлөөлж болзошгүй гэж үзжээ. Мөн иргэд зорчигчдын аюулгүй зорчих эрхийг хангах, хөдөлгөөний аюулгүй байдал, ачааллыг бууруулах нэгдсэн зорилгоор дээрх чиглэлүүдийг өөрчлөөд байгаа аж. Энэ чиглэлийн тээврийн хэрэгслүүд нь цаашид Саппорогийн зогсоол дээр зогсолгүй уулзвараас зүүн гар тийш эргэн III эмнэлгийн баруун талын зогсоол дээр зогсож зорчигчдод үйлчлэх болжээ.