Монгол улсын Ерөнхийлөгч Ц.Элбэгдоржийн зарлигаар жил бүрийн 10 сарын 12-ныг "Мод тарих үндэсний өдөр" болгосон билээ.  Үүнтэй холбоотойгоор өнөөдөр олон байгууллага мод тарих гэж байна. Үүнд:

10.00 цагт БОХХААБХ-ны дарга Г.Баярсайхан болон УИХ-ын Тамгын газрынхан Чингэлтэй уулын Шадивлангийн аманд мод тарина.

10.00 цагт Сүхбаатар дүүргийн удирдлагууд болон ЗДТГ-ын нийт албан хаагчид Сэлбэ голын ай савд мод тарина.

10.00 цагт Хан-Уул дүүргийн иргэдийн ажиллаж, амьдрах таатай орчин бүрдүүлэх, дүүргийн ногоон байгууламжийг нэмэгдүүлэх зорилгоор бүх нийтээрээ модно тарина. Нээлтийн үйл ажиллагаа 10.00 цагт ХУД-ийн Соёлын ордонд болно.

11.00 цагт БОНХ-ийн Сайд С.Оюун, Дэд Сайд Б.Тулга болон яамныхан Дамбадаржаа дахь Модлог ургамалын хүрээлэнд мод тарина.

11.00 цагт Нийслэлийн удирдлагууд болон нийслэлийн ЗДТГ-ын нийт албан хаагчид Үндэсний цэцэрлэгт хүрээлэнд мод тарина.