Хүн амын хөгжил нийгмийн хамгааллын яамнаас зохион байгуулж буй “Гэр бүлийн үнэ цэнэ-хөгжил шинэчлэл” сэдэвт үндэсний чуулган өнөөдөр 09.00 цагт Төрийн ордны их танхимд болно.

Чуулганы гол зорилго бол гэр бүлийн гишүүдийн хамтын оролцоог хангах, гэр бүлийн харилцаанд оролцогч талууд, нийгмийн бүхий л төлөөллийн гэр бүлүүд хосоороо биечлэн оролцож, санал бодлоо бодлогын баримт бичигт тусгах юм.

Гэр бүлийн үнэ цэнэ-хөгжил шинэчлэл чуулган хоёр өдөр үргэлжлэх бөгөөд чуулганд оролцогчид дараах асуудлыг хэлэлцэнэ. Үүнд:

- Гэр бүл- Төрийн оролцоо
- Гэр бүл- Төрийн бус байгууллагын үүрэг оролцоо
- Гэр бүл- Ахмадын үүрэг оролцоо
- Гэр бүл- Залуучуудын үүрэг оролцоо
- Гэр бүл- Хүүхдийн үүрэг оролцоо
гэсэн таван бүлэгт хуваагдан гэр бүлд тулгамдаж буй асуудлуудыг тус бүртээ хэлэлцэж, саналаа чуулганы нэгдсэн хуралдаанд танилцуулах юм байна.

Дашрамд дуулгахад 2000 онд болсон Монгол улсын өрхийн тооллого судалгаагаар манай улс 540 мянга орчим өрх гэртэй байсан. Харин 2012 оны байдлаар өрх гэр бүлийн тоо 17 хувиар өсч, 768 мянга гаруй өрхтэй болжээ. Тиймээс өрх гэр, гэр бүлийн гишүүдэд Монгол төр анхаарлаа хандуулж, гэр бүлийн үнэ цэнэ, тогтвортой байдал, гэр бүлээс хамааралтай бүлгүүдэд тулгамдаж буй олон асуудлын талаар авч хэлэлцэх шаардлагатай байгаа юм.