Үндсэрхэг үзэлтэй залуусын байгуулсан “Даяар Монгол”, “Хөх Монгол”, “Даяар хөх Монгол”, “Талын цөөвөр чоно”, “Цагаан хас”, “Хамаг Монгол”, “Бурхантын газар шороо” зэрэг 18 хөдөлгөөн нэгдсэн зохион байгуулалтад орохоор болжээ.

Эдгээр хөдөлгөөнүүдийн удирдах зөвлөлийн гишүүд эхний ээлжинд нэгдэх нь зүйтэй гэдэг дээр санал нийлж, “Монгол үндэстний ХАС нэгдэл” хэмээн нэрлэхээр болсон байна.

Тэд энэ талаараа хуралдаж байгаа бөгөөд гишүүд юун түрүүнд "цэвэр монгол" гэдгээ батлах улмаар шинээр “Монгол үндэстний ХАС нэгдэл”-д элсэх шалгуурыг өндөрсгөж, гишүүдийг хатуу андгай, тангарагтай болгох талаар хэлэлцэж байгаа аж.