Өнөөдрийн байдлаар Улаанбаатар хотын 1-3 дугаар ангийн сурагчдын дүрэмт хувцсыг оёж, борлуулалтыг хийж дуусчээ.

 Үйлдвэр хөдөө аж ахуйн яамнаас авсан мэдээгээр дүрэмт хувцсыг үйлдвэрлэхэд нийтдээ 130 үндэсний үйлдвэрлэгч оролцож байгаа бөгөөд үүнээс хонины ноос самнах 8 үйлдвэр, утас ээрэх 6 үйлдвэр, даавуу үйлдвэрлэх 2 үйлдвэр, оёмол хувцас үйлдвэрлэх 67, сүлжмэл хувцас үйлдвэрлэх 36 үндэсний үйлдвэрлэгч ажиллаж байгаа аж. Эдгээр 119 үндэсний үйлдвэрлэгчийн 39.4 хувь болон 47 үйлдвэрлэгч нь хөдөө орон нутгийн оёдлын үйлдвэрлэл эрхлэгч, аж ахуйн нэгжүүд байгаа юм.

Өнгөрсөн онд дотооддоо үйлдвэрлэж байсан хувцсны иж бүрдлийн үнэ бага ангийн эмэгтэй хүүхдийнх 31000 төгрөг байсан бол энэ удаагийн үйлдвэрлэлээр гарч байгаа хувцас нь 41000 төгрөг болж үнийн зөрүү нь 10000 төгрөг болжээ. Эрэгтэй хувцас 42000 төгрөгөөр гарч байсан бол одоо 62000 төгрөг болжээ. Хамгийн өндөр үнийн зөрүү бол ахлах ангийн эрэгтэй хүүхдийн хувцас байгаа аж. Ахлах ангийн эрэгтэй хүүхдийн хувцас урд нь 85000 төгрөгөөр худалдаж байсан бол одоо 108905 төгрөг болсон. Үнийн зөрүү нь 23905 төгрөг бөгөөд хэт их өндөр үнийн зөрүү гарлаа гэхээсээ илүү материал, оёдлын бодит үнэнд тулгуурлаж гарсан зарлага гэдгийг эцэг эхчүүд ойлгоосой гэж БШУ-ны сайд тайлбарлаж байна.

Энэ оны 11 дүгээр сард багтаан бүх сурагчийн дүрэмт хувцсыг хүүхдүүдэд хүргэнэ гэсэн зорилготой үйлдвэрүүд ажиллаж байгаа ч төлөвлөсөн хуваариасаа хоцрогдолтой явж байна. Дүрэмт хувцсаа худалдаж авч чадахгүй байгаа хэсэгт БШУЯ, ХАХНХЯ хамтран төлөвлөлт хийж байгаа гэнэ.