“Урт цагаан”-ыг нурааж оронд нь шинээр барилга байгууламж барих асуудлыг түрээслэгчид нь эсэргүүцэж хотын дарга Э.Бат-Үүлд шаардлага хүргүүлэхээр болжээ. Энэ асуудлыг өнгөрөгч 9 дүгээр сарын НИТХ-ын тэргүүлэгчдийн хурлаар хэлэлцээд дараагийн хурлаар дахин хэлэлцэж шийдвэрлэхээр болсон юм.

Урт цагаанд одоогийн байдлаар 30 гаруй иргэн, аж ахуйн нэгж нийслэлийн Өмчийн харилцааны газартай хийсэн гэрээний дагуу түрээсэлж  700 гаруй хөдөлмөр эрхлэгчдийг ажлын байраар хангадаг аж.

Түрээслэгчид иргэний хуулийн дагуу давуу эрхтэйгээр тус барилгыг өмчлөх хүсэлтэй байгаа юм байна. Мөн тэд “Ардчилалын эхэн үед тус үйлчилгээний төв эзгүйрч, нохой шувууны үүр болохоо шахсан байхад хэсэг хүмүүс Нийслэлийн өмчийн харилцааны газартай хийсэн гэрээний дагуу түрээсэлж, хувиасаа хөрөнгө оруулалт хийж нийтийн аж ахуйн салбарын үйлчилгээний төвийг хэвээр хадгалж үлдсэн түүхтэй.  Гэтэл амьдарлаа залгуулж буй 700 хөдөлмөр эрхлэгчид биднийг “хог дээр гаргаж” байгааг эсэргүүцэж байна” гэжээ.