Орчин үеийн гэрэлтүүлэгтэй, тохилог гудамж нийслэл хотод нэгээр нэмэгдлээ. “Төр хувийн хэвшлийн түншлэл” хамтын ажиллагааны хүрээнд Багшийн дээдийн автобусны буудлаас Монголын Залуучуудын холбоо хүртэлх гудамжийг "Оюу толгой" ХК өөрсдийн зардлаар тохижуулж өчигдөр нээлтээ хийсэн байна.

“Идеаль” группийн зураг төслийн дагуу гүйцэтгэсэн энэ ажилд 500 орчим сая төгрөг зарцуулагдсан бөгөөд гэрэлтүүлэг чимэглэлийг шинэчилж, WiFi буюу утасгүй интернетэд холбогдох боломжтой болжээ.

Энэхүү гудамжийг цаашид оюутны гудамж болгох бөгөөд ашиглалтыг нийтийн үйлчилгээний “Улаанбаатар” нэгтгэл хариуцах юм байна.