Нийслэлийн Цагдаагийн газар эргүүл хийдэг морьдоо зарахаар болжээ.

Тус газар одоогоос гурван жилийн өмнө хэв журам сахиулах цагдаагийн ажилтнуудаа зөвхөн машинаар бус мориор эргүүл хийлгэх шийдвэр гаргаж ОХУ-ын Буриад улсаас нэг бүр нь 1-5 сая төгрөгний үнэтэй адуу худалдан авчээ. Өдгөө тэдгээр арав гаруй адуу өсч үржин  20 гаруй болсон байна.

НЦГ-ын ажилтнууд тэдгээр адууг өдөр тутам бус, баяр наадам, томоохон арга хэмжээний үеэр л унадаг аж. Тэд адуу маллах малчны цалин хөлсөөс авахуулаад өвс, тэжээлийн мөнгө хүрэлцэхгүй байгаа гэсэн шалтгаанаар Өмчийн харилцааны газарт зарах хүсэлтээ  гаргасан байна. Өнгөрсөн долоо хоногт дуудлага худалдаа зохион байгуулах байсан ч түр хойшлуулсан байгаа гэнэ.