Өчигдөр оройноос хойш нийт нутгаар цасан шуурга болон цас орж замын нөхцөл байдал тэр дундаа хөдөө орон нутгийн замын нөхцөл хүндэрч хальтиргаа гулгаа үүсэх, үзэгдэх орчин хязгаарлагдсан, олон зам,  даваа хаагдаж байна. Тухайлбал  баруун тийш Төв аймгийн нутаг Лүнгийн замд хальтиргаа үүсч замын үзэгдэх орчин хязгаарлагдснаас зам тээврийн осол хэрэг ихээр гарсан. Өвөрхангайн аймгийн  зам маш их хүндрэлтэй, зүүн тийш Налайхын чиглэл Эрдэнэ сумын наад  даваа болон Баяндаваа хаагдах төлөвлөтөй,  цаашлаад Багануур чиглэл рүү цасан шуургатай үзэгдэлт хангалтгүй, урагшаа Багахангайн Хойлтын даваа хаагдсан, Дорноговь, Сайншанд, Чойр, Говьсүмбэрийн чиглэлийн замд авто машин   явах боломжгүй байна. Иймд хөдөө орон нутгийн чиглэн гарах гэж байгаа болон хөдөө орон нутгаас хотын чиглэлд гарах гэж байгаа бол  цасан шуурга зогстол  хөдөлгөөнд оролцох хэрэггүй хэрэв зайлшгүй шаардлагатай бол та тээврийн хэрэгслийнхээ техникийн бүрэн бүтэн байдлыг сайтар хангах, дулаан хувцаслах, үзэгдэлт хангалтгүй байгаа тохиолдолд манангийн гэрэл болон ойрын гэрлээ асаах, замын нөхцөл байдалд тээврийн хэрэгслийн хурдаа тохируулан анхаарал болгоомжтой замын хөдөлгөөнд оролцохыг сэрэмжлүүлж байна.  Зуны дугуйтай тээврийн хэрэгслийн хот сууринггаас орон нутгийн замд гаргахгүй байгаа тул иргэн таны авто машин зуны дугуйтай бол өвлийн дугуйгаар сольж хөдөлгөөндөө оролцоорой. Нийслэл хотын өгсүүр замуудад хальтиргаа ихтэ байгаагаас зуны дугутай тээврийн хэрэгслүүд гулгах, хий эргэж зогсож бусад замын хөдөлгөөнд оролцож байгаа жолооч нарт хүндрэл учруулах, зохиомол түгжрэл саатлыг бий болгож байна. Иймд жолооч нар зам тээврийн осолд холбогдож эд хөрөнгө, эрүүл мэндээрээ хохирсны дараа биш осол аваар гарахаас өмнө урьдчилан сэргийлэх шаардлагатай байна. Орсон цас өдөр  хайлмагтдаг орой энэ нь мөс болж хальтиргаа гулгааг илүү их бий болгож байдаг тул жолооч нар  замын нөхцөл байдалд тохируулан тээврийн хэрэгслийн хурдаа зөв сонгож аюулгүй байдлаа хангаж замын хөдөлгөөнд оролцохыг Замын цагдаагийн газраас анхааруулж байна.