АНУ-ын "Фостор фармс" компанийн тахианы махнаас салтонелла гэх гэдэсний савханцрын нэг болох шинэ төрлийн нян илэрсэн  гэх мэдээлэл гараад байгаа. Энэ нян илэрсэнтэй холбоотойгоор АНУ-ын Хүнсний аюулгүй байдал, хяналтын албанаас тус улсын 15 мужид 278 хүн өвчилсөн байна. Тэгвэл манай улс АНУ-аас тахианы мах импортлодог учир  манай улсын тахианы махны импорт тодорхой хэмжээгээр буурсан аж. Гэхдээ энэ нь ганц энэ өвчин гарсантай холбоотой биш уул уурхайн цөөнгүй компани хаалгаа барьсан нь ч нөлөөлсөн гэх хүмүүс байна.  Одоогоор АНУ-аас тахианы мах оруулж ирдэг таван компанийн махнаас өвчин илрээгүй байгаа аж.  Түүнчлэн АНУ-аас өөр улс оронд энэ өвчин тархаагүй байгаа юм байна.  Ямартаа ч тахианы мах импортлодог газрууд анхаарал болгоомжтой байхыг МХЕГ-аас анхааруулж байна.