Сүүлийн үед бага насны хүүхдэд зориулсан хүүхдийн сайн дуу гаралгүй удаж байгаа. Үүнтэй холбоотойгоор удахгүй 10 жилийн ойгоо тэмдэглэх "Анир" студи, 135-р цэцэрлэгтэй хамтран хүүхдийн дууны шүлгийн уралдаан зарлаж байгаа юм байна.


Нэг: Уралдааны зорилго:
Хүүхэд багачуудын дуу ховор, шинээр төрөхгүй байгаа өнөө цаг үед олон сайхан дуу бүтээж, нийгэмд хүргэх шаардлага зайлшгүй гарч байна. Ийм учраас Анир студи нь 10-н жилийнхээ ойн хүрээнд, 135-р цэцэрлэгийн хамт олонтой хамтарч, хүүхэд, багачуудын урлагийн хэрэгцээнд хувь нэмэр оруулж, бага насны буюу 03-05 насны хүүхдүүдийн нас сэтгэхүйн онцлогт тохирсон дууны урын санг нэмэгдүүлэх, түүгээр дамжуулж хүүхдүүдэд урлагийн суурь тавих, мөн оюуны хөрөнгө оруулах зорилгоор энэхүү уралдааныг зарлаж байна. Тухайн уралдаанд шалгарсан шүлгүүдэд аялгуу зохиож, дуу болгож, олон нийтэд түгээн дэлгэрүүлнэ.

Хоёр: Хамрах хүрээ
•    Хүүхэд
•    Эцэг, эхчүүд
•    Цэцэрлэг, сургуулийн багш нар
•    Оролцох хүсэл сонирхолтой хүмүүс

Гурав: Хугацаа
2013.11.01-ээс 11.15-ны өдрийг дуустал anirrecords@yahoo.com хаягаар болон
135-р цэцэрлэгийн захиргаанд өөрсдөө авчирч өгөх

Дөрөв: Шүлэгт тавигдах шаардлага
1.    Дууны утга санаа хүүхдийн нас, сэтгэхүйд тохирсон байх
2.    Хүүхдэд ойлгомжтой, хялбар үгтэй байх
3.    Хүүхэд үгийг тод хэлэх боломжтой, богино үетэй байх
4.    Хүүхдийг хүмүүжүүлэх, танин мэдүүлэхэд чиглэгдсэн байх

Тав: Дүгнэх журам
•    Бүтээлийг мэргэжлийн шүүгчид шалгаруулна.
•     Эхний 3 байрт шалгарсан шүлэгт “Анир” дуу бичлэгийн студи аялгуу зохиож, дуу бүтээнэ.

Зургаа: Уралдааны байр шагнал
1. 1-р байр – 1 Өргөмжлөл, 1.000.000 төгрөг
2. 2-р байр - 1 Өргөмжлөл, 700.000 төгрөг
3. 3-р байр - 1 Өргөмжлөл, 500.000 төгрөгөөр тус тус шагнах аж.