24tsag.mn facelook булангийнхаа энэ удаагийн дугаарт хошин урлагт тод мөр үлдээсэн нэгэн жүжигчнийг гэрэл зургуудынх нь хамт урилаа. Энэ хүн бол хошин урлагт нэртэй, мөртэй яваа МУСТА, жүжигчин Б.Баатархүү юм. Түүний амьдралыг товч өгүүлэх гэрэл зургуудтай нь танилцана уу.
24tsag.mn facelook булангийнхаа энэ удаагийн дугаарт хошин урлагт тод мөр үлдээсэн нэгэн жүжигчнийг гэрэл зургуудынх нь хамт урилаа. Энэ хүн бол хошин урлагт нэртэй, мөртэй яваа МУСТА, жүжигчин Б.Баатархүү юм. Түүний амьдралыг товч өгүүлэх гэрэл зургуудтай нь танилцана уу.
Бага нас. Б.Баатархүүгийн уугуул нутаг нь Эрдэнэт хот. Тэрбээр 1971 онд төржээ. Багын л сэргэлэн, гялалзсан, гялтганасан, сахилгагүй нөхөр байсан байсан болохоор энэ зангаа даган жүжигчин болох нь тодорхой байсан гэж хэлж болно.
Пионер. Харин энэ зургийг есдүгээр ангидаа "ГОК"-ийн зусланд амарч яваад авахуулжээ. Б.Баатархүү жил бүр энэ зусланд амардаг байж.
“Авъяас”. Дунд сургуулиа төгсөөд жүжигчин болохоор сэтгэл шулуудан СУИС-ийн жүжигчний ангид шалгалт өгөв. Төрөлхийн авъяас болохоор тэнцэх нь тэр. Хожмын алдарт жүжигчний алдрын эхлэл эндээс үүдэлтэй. Оюутан байхдаа Баатархүү царайлаг басч үгүй туранхай байсан болохоор үргэлж охидын анхаарлын төвд байсан гэдэг. Одоогоор бол “star” юм даа.
"Х ТҮЦ". Сургуулиа төгсөөд зарим нэг газарт түр ажилласаныг нь эс тооцвол тэрбээр өнгөрсөн хугацаанд хошин урлагийн “Х” ТҮЦ хамтлагт хамгийн удаан ажиллажээ. Тэрбээр " “Х-Түц” хамтлагтайгаа найман жил хамт ажилласан байна. Энэ хамтлагаас л бүх зүйлийг сурч уран бүтээлч болох гараагаа эхэлсэн гэхэд болно. Миний гарыг ганзаганд, хөлийг дөрөөнд хүргэж өгсөн чадалтай сайхан хамт олон. Өдий дайтай яваа минь энэ хамт олон, мэргэжил нэгт нөхдийн минь буян шүү дээ” гэж ярьжээ. Тус хамтлагийн “Сэргээш” цувралд бүтээсэн түүний дүрийг та бүхэн тод санаж байгаа биз.
Арай өндөр нь: Жүжигчин Одноо, Онон, Аглуу, Нарансолонго, Баатархүү нар. Мөн ч залуухан байж дээ.
Арай өндөр нь: Жүжигчин Одноо, Онон, Аглуу, Нарансолонго, Баатархүү нар. Мөн ч залуухан байж дээ.
25 жил: Монголын хошин урлагт тасралтгүй 25 жил хөдөлмөрсөн түүнийг энэ зурган дээрх марзагналаас өөр дүр төрхөөр бид төсөөлж чадах болов уу. Амьдрал бол хүүрнэж дуусашгүй баян, тааж хэлэх аргагүй сонин хачнаар дүүрэн хөлөг онгоц гэлтэй. Үүнтэй адилаар Баатархүү 25 жилийн хугацаанд кино, драм, жүжгийн олон дүрд тоглож монголчуудын хайртай жүжигчин болж чаджээ.
Гэр бүл. Түүний эхнэрийг М.Ганбат гэдэг. Орос англи хэлний орчуулагч мэргэжилтэй. Тэд гурван хүүхэдтэй.
Нэг ангийхан. Ч.Найдандорж багштай жүжигчний ангийхан. Харвал таньдаг хүн олон.
Сонирхогч. Гэрэл зураг авах нь түүний хобби. Мэргэжлийн түвшин рү дөхөж яваа.
Архичин: Хошин урлагийн тайз, кино дэлгэцэнд бүтээсэн дүрүүд нь ихэвчлэн архичин нөхөр байдаг гэх түүнээс фэнүүд нь учрыг лавлажээ. “Та яагаад архичны дүрд ийм сайн тоглодог юм бэ. Архи хэрэглэсэн хүний авир ааш, байгаа байдлыг хүртэл яг адилхан дуурайх юм. Арай өөрөө тийм биш биз” хэмээн хардах маягтай асуусан юм байх. Хариуд нь мань эр” Өө, яалаа гэж. Баяр ёслолоор архи дарс тохируулж хэрэглэх үе байлгүй яахав. Харин надад яагаад ч юм бэ, дандаа архичны дүр оногдоод байна. Эхний үед гайхдаг л байлаа, сүүлдээ бүх тоохоо больсон. Хүмүүс намайг архи уудаг болохоор ийм сайн жүжиглэж байгаа гэж бодвол эндүүрэл шүү” гэсэн тайлбар өгчээ.
Гэр бүл. Түүний эхнэрийг М.Ганбат гэдэг. Орос англи хэлний орчуулагч мэргэжилтэй. Тэд гурван хүүхэдтэй.
Хүүхдүүдийн найрал дуу. Б.Батхүү өөрийгөө гурван хүүхдийн баян аав хэмээн тодорхойлсон нь хувийн амьдралынх нь баялаг, баян намтар түүхийн нэгээхэн хэсэг.
Нэг ангийхан. Ч.Найдандорж багштай жүжигчний ангийхан. Харвал таньдаг хүн олон.
Найрын ширээний ард. Түүний дотны найз Аглуу МУГТ цолоор шагнагдаж, мялаалгын найр хийв. Нөхдүүд жаахан халаалттай.
Төрийн шагнал. Өнгөрсөн жилийн намар Алтангадас одонгоор энгэрээ мялаалгалаа. Урлагт 25 жил зүтгэсэн хөдөлмөрийг нь өндрөөр үнэлж (Ерөнхийлөгчийн зарлигт ингэж бичсэн байдаг) "Нүдээ олсон" шагнал хэмээн олон хүмүүс хэлж байв. Зурган дээрх хоёр хүн нэг ангийн найзууд.
Кино, жүжгийн дүрүүд. Тэрбээр “Шарталт”, “Худалч залуу”, “Валентины захидал”, “Миний нууц хүү” жүжиг, гээд олон кино болон жүжигт дүрээ бүтээжээ.
Сонирхогч. Гэрэл зураг авах нь түүний хобби. Мэргэжлийн түвшин рү дөхөж яваа.
Хориотой ан. Ойрноос түүнийг ховор ан, амьтан агнасан гэж хэвлэлээр бичиж байгаа. Гэхдээ энэ нь кинонд бүтээсэн дүр юм. Удахгүй гарах шинэ киноны зураг авалтын үеэр энэ зургийг авахуулжээ.
Хүнд цаг үе. Б.Баатархүү нэг хэсэг элэгний хүнд өвчин тусч үхэлтэй тэмцэж байсан юм. Түүний эмчилгээний зардалд зориулж урлагийнхан нэгдэн хандивын тоглолт хүртэл зохион байгуулж байсан цаг саяхан. Тэрбээр Германд гурван удаа хүнд хагалгаанд орсоны эцэст эдгээд эх орондоо ирсэн билээ. Тухайн үед монголын ард түмэн хайртай жүжигчиндээ гар таталгүй тусалж байсан.
Эмоци. Тэрбээр өнгөрсөн зунаас хошин урлагийн “Эмоци” продакшнд ажиллаж байна. Бидний нэрлэдгээр мөнгөн үеийн чадварлаг жүжигчдийн нэг яалт ч үгүй Б.Баатархүү билээ.
Т.Энхээлээ
Сэтгэгдэл (14)