Барселон клубын тоглогч, Аргентины үндэсний хөлбөмбөгийн шигшээ багийн тамирчин Лионель Месси нь 2009 онд буюу 21-хэн насандаа оны шилдэг хөлбөмбөгчин болсон юм. Европын Алтан гутал шагналыг гурван удаа авсан тэрээр дэлхийн шилдэг хөлбөмбөгчдийн тоонд зүй ёсоор тооцогддог. Үйлдвэрийн ажилтан, цагийн үйлчлэгч хоёрын хүү хожмоо дэлхийд дуурсагдах хөлбөмбөгчин болно гэж хэн ч төсөөлөөгүй биз ээ. Ингээд түүний амьдралыг фото түүхээр нь хүргэж байна. Лионель Месси 1987 онд Итали гаралтай айлын бага хүү болон мэндэлжээ. Түүнд хоёр ах, нэг эгч бий. Тэрээр таван настайдаа орон нутгийн Грандоли клубт хичээллэж байжээ. Тухайн үед Мессиг аав Хорхе Горацио нь дасгалжуулсан гэдэг. Түүнийг 11 настай байхад өсөлтийн дааврын дутагдалтай гэсэн онош тавьжээ. Орон нутгийн “River Plate” клуб Мессигийн амжилтанд эргэлзээгүй хэдий ч өвчнийнх нь эмчилгээнд зориулж сар бүр 900 сая доллар төлөхийг хүсээгүй юм. Барселон клубын захирал Карлес Рексач Мессигийн авъяасыг олж харсанаар түүний спортын гараа эхэлжээ. Ингээд шууд Месситэй гэрээ байгуулсан байна. Барселон Мессигийн эмнэлгийн төлбөрийг төлөхөөр болж, Испани руу нүүсэн байна. Барселоны залуучуудын Ла Лига клубт тоглож байхдаа шилдэг мэргэн бууч болсон юм. Эндээс л тэр Аргентины багийн ахлагч, жилдээ 16 сая долларын цалинтай хөлбөмбөгчин болох гараагаа эхэлжээ.