Дэлхийн аваргын хошой алтан медальтай болсон У.Мөнх-Эрдэнэд Чингис хааны мэндэлсэн өдрөөр Хөдөлмөрийн баатар цол өгөхөөр болсон гэх мэдээ олон хүнийг баярлуулсан. Гэсэн ч энэ ташаа мэдээлэл байж, боксын спортод хайртай хүмүүсийг гонсойлголоо. Түүнийг хэрхэн энэ жилийн ДАШТ-д орох гэж тэмцсэн, дэлхийн дэвжээн дээр хэрхэн тоглосныг бид мэднэ. Залуу тамирчинтай өрсөлдөөд ДАШТ-ны эрх авсан, тэмцээнээс алтын дайтай хүрэл өвөртлөөд ирсэн. "Голсон юм голд оров" гэдэг шиг манай долоон тамирчнаас У.Мөнх-Эрдэнэ л ганцаараа медаль авчирсан.

   Тиймээс олон нийт У.Мөнх-Эрдэнийг Хөдөлмөрийн баатар цол авч, баатруудын эгнээнд орно гэдэгт итгэлтэй байсан хэрэг. Харин энэ тухайд тэрбээр “Амны билэг. Удахгүй Хөдөлмөрийн баатар болж баяртай мэдээ сонсох байлгүй” гэж тэсэн ядан хүлээж байгаагаа ч нуугаагүй байна.
 
  Энэ үеийнхнээс 2008 онд Н.Түвшинбаяр, Э.Бадар-Ууган, О.Гүндэгмаа, Д.Баатаржав, 2009 онд П.Сэрдамба нар амжилтаа үнэлүүлж Хөдөлмөрийн баатар цолоор шагнуулж байсан. Харин олимпын жаахан одггүй гэгддэг У.Мөнх-Эрдэнэд спортын хорооноос нь ялгавартай хандаж ирсэн гэх явган яриа байдаг л юм билээ. Олимпийн аваргуудыг дээш нь залчихаад У.Мөнх-Эрдэнийг үл тоомсорлодог байдал гаргадаг тухай хэвлэлүүд өмнө нь бичиж байсан удаатай. Манайд бараг л ганц дуутай СТА, цөөхөн дүр бүтээсэн гавьяатууд олон байдаг. Хамгийн сүүлд эзнээ олсон шагнал гэвэл өнгөрсөн жил жүжигчин Н.Ариунболд буюу Бооёо МУГЖ болсон явдал байлаа.
 
   Харин одоо эзэн нь ч тэр, спорт сонирхогчид ч тэр хүлээж буй нүдээ олсон шагнал гэвэл тэр нь У.Мөнх-Эрдэнийн Хөдөлмөрийн баатар цол.