Монголын ахмадын холбооны зүгээс өнөөдөр ахмадуудын нийгмийн хамгааллыг сайжруулах асуудлаар мэдээлэл хийлээ. 

Тэд энэ үеэр ахмадуудын нийгмийн хамгааллыг сайжруулах олон асуудлыг шийдвэрлэж өгөхийг Шинэчлэлийн Засгийн Газараас хүсч буйгаа мэдэгдсэн юм. Тухайлбал тэтгэвэрийн доод хэмжээг ирэх тавдугаар сарын 01-н гэхэд 250 мянган төгрөгөөр нэмэгдүүлэх, эмнэлэгийн үйлчилгээг сайжруулах, өмнөх нийгэмдээ гавъяатай ахмадуудаа шагнаж урамшуулах зэрэг асуудлыг тавьж байлаа.

Түүнчлэн Монголын ахмадын холбооны тэргүүн Ц.Сүхбаатар “Манай ахмадын холбоо төрөөс санхүүжилт авдаг байгууллага.  Гэтэл Ерөнхий сайд Н.Алтанхуяг төрөөс олгодог санхүүжилтийг зогсоож “Чөлөөт ахмадуудын холбоо”-нд шилжүүлж байгаа нь туйлын хариуцлагагүй явдал” гэж байсан юм.