Ардчилсан хувьсгалаас хойш үндэсний компаниудыг хамгийн олон удаа торгосон хүнээр ШӨХТГ-ын дарга О.Магнай тодорлоо. Түүнийг энэ олон компанийг зөрчлөө арилгахыг  үүрэгдэж, улмаар зөрчлөө арилгаагүйгээс болж ийн өрсөлдөөний хуулиар торгож байгаа гэдгийг хүн бүр мэдэж байгаа. Гэвч үндэсний тодотголтой компаниудыг ингэж ихээр торгож байгааг нь шүүмжлэх хүмүүс ч гарч ирлээ. Учир нь О.Магнай дарга гадны хөрөнгө оруулалттай, гадаадын компаниудын зөрчлийг дэлгэж торгох үйл ажиллагааг бараг явуулаагүйд  ийн ярих болсон биз.  Ямартаа ч бид ШӨХТГ-ын торгосон компани, аж ахуй нэгжүүдээс эхний 10-ыг нь жагсаалаа.

1.“Мобиком корпорци” ХХК-г худал зөрүүтэй мэдээлж, хэрэглэгчийг төөрөгдүүлсэн үйлдэлд нь 10 сая, тус компанийн захирал Дэвид Холлидэйг улсын байцаагчийн албан шаардлагыг биелүүлээгүй учраас 960,000 төгрөгөөр торгосон.

2. ШӨХТГ-аас Өрсөлдөөний тухай хууль зөрчсөн хэмээн "Номин" хүнсний сүлжээг 1,1 тэрбумаар торгосон. Учир нь эдний бараа бүтээгдэхүүний үнэ кассан дээрээ өөрчлөгддөг болон бараа нийлүүлэгч аж ахуйн нэгжээс гэрээнээс гадуур дахин шимтгэл авч байсан нь тогтоогдсон. Улмаар зөрчлөө арилгахыг эхний удаад шаардсан ч тэд хүлээж аваагүй байна.

3. “Миний дэлгүүр”-ийг 4.5 сая төгрөгөөр торгосон.  Тухайлбал, борлуулт сайтай байдаг гурилын үйлдвэрүүдээс шимтгэл авдаггүй мөртлөө бусдаас нь 2-3 хувийн шимтгэл авдаг байсан аж. Мөн бараа бүтээгдэхүүн нэг удаа нийлүүлэхэд 70 мянгаас гурван сая хүртэлх төгрөгийг үндэслэлгүйгээр авдаг учир ийн торгожээ.

4. ШӨХТГ-аас тооцоо судалгаа хийсний эцэст “Магнай трейд”-ийг 2.5 тэрбум төгрөгөөр, “Жаст”-ыг 940 сая төгрөг нийлээд 3 тэрбум төгрөгөөр торгох торгуулийн  хуудсыг компанийн удирдлагуудад өгсөн.  Тэд өнгөрсөн сард үгсэн хуйвалдаж бинзений үнийг 50 төгрөгөөр нэмж байсан юм.

5. Тээвэрлэхээс татгалзсан 17 зорчигчид нөхөн төлбөр олгоогүй.  Мөн зарим зорчигчийн ачаа тээшийг зохих ёсоор тээвэрлээгүйгээс  зорчигчийн хууль ёсны эрхийг зөрчсөн тул “МИАТ” ХК-д Өрсөлдөөний тухай хуульд заасны дагуу 10.000.000 төгрөгийн торгуулийг ноогдуулсан.

6.  Монгол улсад мөрдөгдөж байгаа зар сурталчилгааны тухай хуулиар  бага градустай буюу алкохол багатай пиво сурталчлахыг зөвшөөрсөн байдаг. Гэхдээ үүнийхээ хажуугаар заавал тухайн бүтээгдэхүүнийхээ хор хөнөөлийн талаар санамж өгөх ёстой. Гэтэл пиво үйлдвэрлэдэг компаниуд ямар нэгэн санамж явуулахгүй байгаа тул торгууль ногдуулжээ. Тухайлбал, АПУ ХХК-д 10 сая төгрөгийн торгууль тавьсан байна.

7. Төрийн өмчийн  зургаан сургуульд 20-30 сая төгрөгийн торгууль ногдуулсан. Тэд төлбөрөө үндэслэлгүйгээр нэмсэн ч үүнийг нь болиулсан. Гэтэл төлбөрөө төлсөн оюутнуудад зөрүү мөнгийг нь өгөөгүй. Тэгвэл энэ талаар О.Магнай дарга хэлэхдээ “ Бид бүх их дээд сургуулийн төлбөрт хяналт тавих боломжгүй л дээ. Хуулиар олгогдсон эрхийнхээ хүрээнд төрийн өмчийн их дээд сургуульд торгууль тавьсан” гэв.

8. Өнгөрсөн хоёрдугаар сард ШӨХТГ-аас зохиомлоор шатахууны хомсдол үүсгэсэн гэх шалтгаанаар “НИК” компанид 4.9 тэрбум төгрөгийн торгууль ногдуулсан билээ.

9. Нийслэлийн хэмжээнд үйл ажиллагаа явуулж байгаа Вьетнам авто засварын газруудад дүүргийн ЗДТГ-тай хамтран гүйцэтгэлийн хяналт шалгалтыг ШӨХТГ-аас хийж байгаа. Ингээд зөрчилтэй байсан “ББ-Од” ХХК, “Ханой-Өргөө” ХХК, “Висом” ХХК-иудад Хэрэглэгчийн эрхийг хамгаалах тухай хуулийн 21 дүгээр зүйлийн 21.1 дэх хэсэгт зааснаар нийт 1728,0 /нэг сая долоон зуун хорин найман мянга/ мянган төгрөгийн торгууль ногдуулсан.

10. “Шунхлай трейдинг” болон “Содмонгол групп” ХХК-иуд газрын тосны бүтээгдэхүүнээ ямар нэг хязгаарлалтгүйгээр, хэрэглэгчдийг ялгаваргүйгээр худалдаалдаг болсон. Тиймээс “Шунхлай трейдинг” болон “Содмонгол групп” ХХК-д тус тус ногдуулсан 10 төгрөгийн шийтгэврийг албадан гүйцэтгүүлж улсын төсөвт оруулсан.