09:00-13:00 цагт Төр-хувийн хэвшлийн түншлэлийг сайжруулах “Хог хаягдал, орчны бохирдлыг бууруулах” сэдэвт зөвлөлдөх уулзалт БОНХЯ-ны Говь танхимд болно.

09.00 цагт  НҮБ-ын “Монгол орны говийн бүсийн хүн амын аюулгүй байдлыг харилцан уялдаатай, урьдчилан сэргийлэх замаар хамгаалж, нийгмийн эрх тэгш байдлыг хангахад дэмжлэг үзүүлэх нь” хамтарсан хөтөлбөрийн “Төслийн хаалтын семинар” НҮБ-ын Суурин төлөөлөгчийн газрын хурлын танхимд болно. Уг арга хэмжээнд УИХ-ын гишүүн, НББСШУ-ны байнгын хорооны дарга З.Баянсэлэнгэ, БОНХЯ, ЭМЯ, НҮБХАС, НҮБХХ, ДЭМБ болон хөдөө орон нутгийн төлөөллүүд оролцоно.

09.00 цагт  Хүүхдийн төлөө үндэсний газар, НҮБ-ын Хүүхдийн сан, Хэвлэлийн хүрээлэн, Аригу медиа ХХК хамтран хүүхдийн эрхийг хэрэгжүүлэхэд хамтран ажилладаг орон нутгийн хүүхэд, гэр бүлийн хөгжлийн мэргэжилтнүүд, сэтгүүлчдийн чадавхийг нэмэгдүүлэх зорилгоор “Хүүхэд ба Сэтгүүлч” сэдэвт сургалтыг 11 дүгээр сарын 15-16-ны өдрүүдэд зохион байгуулна. Сургалтын нээлт “Чингис хаан” зочид буудалд болно.

09.00-16.30 цагт НҮБ-ын байранд Монгол Улсын Засгийн газар, НҮБ-ын хамтарсан хөтөлбөр "Монгол орны говийн бүсийн хүн амын аюулгүй байдлыг харилцан уялдаатай, урьдчилан сэргийлэх замаар хамгаалж, нийгмийн эрх тэгш байдлыг хангахад дэмжлэг үзүүлэх нь" хөтөлбөрийн хэрэгжилт, үр дүнг танилцуулах хаалтын семинар болох тул сэтгүүлчдийг урьж байна.

10.00 цагт Нийслэлийн удирдлагын зөвлөлийн ээлжит хуралдаан Хангарьд ордонд болно. Хуралдаанаар “Иргэний оролцоотой төсөв-2014” хэлэлцүүлгийн дүнг танилцуулж, Нийслэлийн эдийн засаг, нийгмийн 2013 оны зорилтын хэрэгжилт, нийслэлийн ЗД-ын үйл ажиллагааны хөтөлбөрийн тухай, нийслэлийн 2014 оны газар зохион байгуулалтын төлөвлөгөөний талаар хэлэлцэнэ.

11.00 цагт ХУД-ийн Соёлын ордонд "Хөгжлийн түлхүүр бидний гарт" дүүргийн хүүхдийн 6 дугаар чуулган болно. 

МН мэдээллийн төвд
11.00 цагт  “MN 25 дугаар суваг” телевизийн “Мaking the band” шоуны хаалтын ажиллагаанд зориулсан хэвлэлийн хуралд урья.

12.00 цагт “Глоб интернэшнл” төрийн бус байгууллагаас Европын кино өдрүүдийн талаар мэдээлэл хийнэ.
Түүнчлэн Хөдөлмөрийн сайд Я.Санжмятав өнөөдөр 14:00 цагт 21 аймгийн Хөдөлмөрийн хэлтсийн дарга, МСҮТ-ийн захирлуудтай “Видео хурал” хийнэ. Хурал Төв шуудангийн Видео хурлын танхимд болно.