Монгол залуус “Улаанбаатар такси транспорт сервис” (УБТТС) компанитай хамтран, смарт тоолуур зохион бүтээсэн байна. Энэ нь дэлхийн жишигт нийцсэн, орчин үеийн цогц программ хангамж бүхий ухаалаг таблет бөгөөд GPS системтэй гэнэ.

Түүнчлэн бүх төрлийн үүрэн холбооны утасны карт уншдаг юм байна. Уг тоолуурыг ирэх сарын эхээр УБТТС компанийн 387 таксинд суурилуулах юм байна.

Энэхүү таблетын давуу талуудаас дурьдахад такси хаана, хэр хурдтай явж буй, хүн тээвэрлэсэн эсэхийг нь мэдэж болохоос гадна ямар нэгэн гэмт хэрэг гарвал такси автоматаар зогсож, цааш явахгүй болох аж. Мөн дуудлагын утас дуугарахад үйлчлүүлэгчээс 50 метр хүртэлх зайд явж буй таксины жолооч л сонсох гэнэ. Харин 50 метрээс дотогш радиуст унаа байхгүй бол уг тоолуурын тусламжтайгаар дахин хайж, 250 метр радиуст яваа таксиг олно. Энэ мэтчилэн 500, 1000 метр хүртэлх зайд автоматаар хайх зэрэг олон давуу талтай аж.